Орхон аймагт ковид-19 халдварын хамгийн сүүлийн тохиолдол 12-р сарын 7-нд бүртгэгдсэнээс хойш 21 хоногт шинээр  халдвар гараагүй. Ингэснээр тархвар судлалын заалтаар  голомтыг хумиж чадсан гэж үзэж байна. Аймгийн хэмжээнд 2020 оны 11-р сарын 11-ээс хойш 50 мянга гаруй шинжилгээг хийгээд байна. ЭНэ нь нийт хүн амын 50 орчим  хувьд ковид-19 халдварыг илрүүлэх шинжилгээ хийгдсэн гэсэн үг. Мөн 12-р сарын 2-оос "Нэг өрх Нэг гишүүн" шинжилгээг эхлүүлсэн. Одоогийн байдлаар 23 мянган өрх буюу  аймагт бүртгэлтэй иргэдийн 70 орчим хувь нь уг шинжилгээнд хамрагджээ. Шинжилгээгээр хүн амд халдвар тархсан болон сэжигтэй тохиолдол илрээгүй байна.

Дэлхий дахинд вирусний мутацид орсон шинэ халдвар илэрч, нийслэл хотод халдварын тохиолдол өдөр бүр нэмэгдсээр байгаа учраас аймгийн онцгой комиссоос хяналтаа сулруулахгүй, бэлэн байдлыг хангаж, ард иргэдийг халдвар хамгааллын дэглэмээ мөрдөх, олон нийтийн газраар аль болох явахгүй байхыг зөвлөв.

Орхон аймгаас зорчих хөдөлгөөн хийх иргэдээс журмын дагуу  PCR шинжилгээг авч байна.

Холбоотой нийтлэл

Жаргалант суманд Эрүүл мэндийн төвийн өргөтгөл ашиглалтанд орлоо

Эрдэнэт хот “Эмчийн хөгжлийн төв”-тэй болно

Аймгийн хэмжээнд коронавирусын халдвараар өвдсөн хүний тоо 2978 боллоо