Манай аймагт цар тахал бүртгэгдээгүй 63 хонож байна. Халдварыг барьж, дэглэмээ сайн баримталж байгаа ч энэ бол зөвхөн аймгийн Онцгой комиссын ажил биш гэдгийг Засаг дарга бусад байгууллагуудад анхаарууллаа. Тухайлбал, аймгийн Эрүүл мэндийн газарт энэ чиглэлээр өгөх мэдээлэл, иргэдэд хүргэх зөвлөмж тун хомс байна. Угтаа бол ЭМГ тогтмол мэдээлэл өгч ажиллах ёстой. Цар тахалын халдвар эрчимтэй байгаа нийслэлээс иргэдээ татан авч байгаа энэ үед шинжилгээ авах, иргэдэд мэдээлэл өгөх ажлаа хийгээч ээ Эрүүл мэндийн газрын дарга аа!

Нууц үедээ илэрдэггүй энэ аюулт тахал хаана ч байж мэднэ. Гэтэл хотоос ирсэн иргэдээс шинжилгээ авсан мэдээлэл өгчихөөд Эрдэнэтийн иргэдээ орхигдуулж байгааг Засаг дарга С.Батжаргал санууллаа. Тэрээр “ЭМГ-ын дарга Д.Сүхээ та энэ асуудлаа тодорхой болгож, хэвлэл мэдээллээр дамжуулан иргэдэд мэдээлэл өг. Эрдэнэтийнхээ иргэдээс шинжилгээ авахгүй юм уу? Цар тахал ороод ирсэнийг мэдээгүй яваа юм биш биз дээ” хэмээн хатуухан хэллээ. Иргэд минь өөрсдийгөө хамгаалж, дэглэмээ сайн баримтлахыг хүсье.

Холбоотой нийтлэл

Жаргалант суманд Эрүүл мэндийн төвийн өргөтгөл ашиглалтанд орлоо

Эрдэнэт хот “Эмчийн хөгжлийн төв”-тэй болно

Аймгийн хэмжээнд коронавирусын халдвараар өвдсөн хүний тоо 2978 боллоо